Lýsing
Kennari og/eða nemendur velja „tungumál vikunnar”. Hægt er t.d. að vinna verkefnið í tengslum við Alþjóðadag móðurmálsins sem er 21. febrúar eða Evrópska tungumáladaginn sem er 26. september ár hvert. Þá er gott tilefni að taka nokkrar vikur í að láta nemendur fræðast um tungumál heimsins. Nemendur rannsaka sjálfir spurningarnar hér að neðan sem eru einnig á verkefnablaðinu.
Hvert er tungumálið?
- Veljið setningar á tungumálinu, æfið ykkur í að bera þær fram.
- Hvar er tungumálið talað? Skoðið t.d. Google maps.
- Hverjir og hversu margir tala tungumálið?
- Hvaða tungumálafjölskyldu tilheyrir tungumálið?
- Hvað á það sameiginlegt með íslensku eða öðrum tungumálum?
- Er einhver þekktur á Íslandi eða heimsþekktur sem talar tungumálið?
- Finnið lög á tungumálinu t.d. á Youtube.
- Skreytið verkefnablaðið í tengslum við tungumálið.